CFP

Ekonomia detare në Kinë vazhdoi rritjen e qëndrueshme në nëntë muajt e parë të vitit, njoftoi Ministria e Burimeve Natyrore, citon “Xinhua”.

Produkti bruto detar i vendit u rrit me 5.8 për qind në bazë vjetore në 7.2 trilionë juanë (rreth 1 trilion dollarë amerikanë) në tre tremujorët e parë.

Prodhimi i naftës bruto dhe gazit natyror në det të hapur u rrit përkatësisht me 4.6 për qind dhe 9.7 për qind nga një vit më parë gjatë kësaj periudhe.

Kërkesa për anije të reja u rrit nga janari në shtator, duke rritur performancën e biznesit të ndërtimit të anijeve.

Porositë e reja të marra nga ndërtuesit e anijeve të Kinës për anijet detare u rritën 40.2 për qind në bazë vjetore gjatë kësaj periudhe.

Turizmi detar i vendit gjithashtu u rimëkëmb, me trafikun detar të pasagjerëve që u rrit me 121 për qind në bazë vjetore dhe me 0.4 pikë përqindje në shtator krahasuar me tetë muajt e parë të vitit. (Fatosi)