Mali Tianmen /foto nga CFP

Zona skenike malore Tianmen në qytetin Zhangjiajie, provinca Hunan e Kinës Qendrore, ka thyer rekordin e saj të mëparshëm të numrit të turistëve të vendosur në 2019-n, pas një bumi turistik këtë vit, bën të ditur “Xinhua”.

Parku i njohur kombëtar pyjor dhe destinacioni turistik 5A ka mirëpritur mbi 5 milionë vizitorë deri tani këtë vit, duke tejkaluar 4.74 milionë vizitorë që tërhoqi në vitin 2019, sipas autoriteteve menaxhuese të zonës piktoreske.

Zona piktoreske e malit Tianmen, një nga destinacionet ikonë në qytetin turistik të njohur Zhangjiajie, ka regjistruar mbi 37 milionë vizitorë që kur u hap për turistët në shtator 2005. Zona piktoreske e Wulingyuan në qytet është në listën e trashëgimisë botërore të UNESCO-s. Për të përballuar fluksin në rritje të vizitorëve, zona ka prezantuar disa qasje novatore, duke përfshirë periudhat e rezervimit të shkallëzuara dhe një sistem inteligjent hyrjeje. (Elona)

foto nga CFP

foto nga CFP