Foto nga VCG
Ekspozita Ndërkombëtare e Importit të Kinës (CIIE) ofron një mundësi të shkëlqyer për bizneset e huaja që të analizojnë tërësisht tregun kinez dhe të korrin përfitimet e përparimit të Kinës, tha një udhëheqës gjerman i biznesit për “Xinhua” në një intervistë ekskluzive.
"Falë CIIE, ne kemi përmirësuar zotërimin tonë të potencialit në tregun kinez dhe kemi zhvilluar marrëdhënie më të forta, më bashkëpunuese me prodhuesit, furnitorët dhe klientët kinezë",- tha Daryl Lean, nënkryetar i strategjisë, marketingut dhe menaxhimit të produktit në grupin “KION”.
Edicioni i gjashtë i CIIE, i mbajtur në Shangai nga 5 deri më 10 nëntor, pati një prani të fuqishme gjermane me mbi 150 ekspozues, duke e bërë atë një nga përfaqësitë më të mëdha europiane.
Foto nga VCG
CIIE ndihmon sipërmarrjet e vogla dhe të mesme të Gjermanisë (SME) në pozicionimin e tyre, duke krijuar më shumë perspektiva biznesi, për të avancuar më tej marrëdhëniet dypalëshe ekonomike dhe tregtare, vuri në dukje Lean.
Ai shtoi se mjedisi i biznesit të Kinës është bërë më i hapur dhe gjithëpërfshirës që nga CIIE i parë në 2018-n, që krijoi një bazë solide për zhvillimin e kompanive shumëkombëshe në Kinë.
CIIE shërben si një panair i fuqishëm ndërkombëtar tregtar dhe simbolizon angazhimin e Kinës për hapje ekonomike thelbësore dhe efektive, komentoi Michael Borchmann, ish-kreu i Departamentit të Çështjeve Evropiane dhe Ndërkombëtare të shtetit federal gjerman të Hesse.
Hapja është çelësi për perspektivat e ardhshme të njerëzimit dhe prosperitetin global, shtoi ai.
Foto nga VCG
Për prodhuesin gjerman të furnizimeve të automobilave “Ëebasto”, shfaqja e teknologjive inovative është gjithashtu një aspekt vendimtar i pjesëmarrjes së tij në CIIE.
"Ne kemi marrë pjesë në CIIE për gjashtë vjet radhazi dhe e vlerësojmë thellësisht ngjarjen. CIIE dallohet në tre aspekte: standarde të larta, vizitorë të nivelit të lartë dhe një fokus i fortë në inovacionin",- tha Zhang Lihua, president i “Ëebasto China”. Kompania ekspozoi përparimet më të reja në elektrifikimin, inteligjencën dhe komoditetin e automobilave. (Irma)
