Kina publikon Librin e Bardhë mbi qeverisjen e Xizang
2023-11-11 16:05:03

Zyra e Informacionit e Këshillit të Shtetit të Kinës publikoi të premten Librin e Bardhë mbi qeverisjen e Rajonit Autonom të Xizang-ut në një konferencë shtypi të mbajtur në Pekin.

Foto:VCG

Foto:VCG

Në dhjetë vite të fundit, Xizang-u ka përjetuar një periudhë zhvillimi dhe ndryshimesh të mëdha, duke sjellë përfitime më të prekshme për banorët vendorë, thotë Libri i Bardhë.

PBB-ja e Xizang-ut arriti në 213.26 miliardë juanë (rreth 29.3 miliardë dollarë) në 2022, që përfaqëson një normë mesatare vjetore rritjeje prej 8.6 përqind që nga viti 2012. Gjatësia e rrjetit hekurudhor të rajonit është pothuajse dyfishuar gjatë kësaj periudhe dhe rrjeti 5G ka mbuluar të gjitha qytezat dhe qytetet kryesore atje. Rajoni gjithashtu ka zhdukur varfërinë absolute dhe jetëgjatësia mesatare e banorëve vendorë është rritur në 72.19 vjet deri në vitin 2021.

Është bërë përparim i fortë në aspektin etnik dhe fetar. Udhëzimet qeveritare kërkojnë që i gjithë zhvillimi të jetë i favorshëm për të nxitur unitetin dhe përparimin etnik, si dhe për të mbështetur unitetin dhe për të kundërshtuar separatizëm. Tani,Xizang-u ka garantuar plotësisht lirinë e besimit fetar dhe aktivitetet fetare kryhen në mënyrë të rregullt, ka mbajtur vazhdimisht një shoqëri të qëndrueshme me vrull rritjeje.

Foto:VCG

Foto:VCG

Aktualisht, rajoni ka dëshmuar përparim të jashtëzakonshëm në kapacitetin e tij të qeverisjes sociale dhe modernizimin. Është krijuar një sistem arsimor i gjithanshëm modern, një sistem të sigurt strehimi, shërbime shëndetësore publike dhe sistem gjithëpërfshirës të sigurimeve shoqërore. Nisma 'Xizang paqësor' ka shënuar arritje të dukshme, duke çuar në rritjen e nivelit të kënaqësisë dhe mbështetjes së qytetarëve ndaj Partisë dhe qeverisë.

Qyteti Lhasa ka ruajtur pozicionin e tij në mesin e qyteteve më të lumtura të Kinës për shtatë herë radhazi, ndërsa ndjenja e sigurisë dhe kënaqësisë midis njerëzve të të gjitha grupeve etnike në Xizang ka mbetur vazhdimisht në një nivel prej mbi 99 për qind për shumë vite.

Ndërkohë, forcimi i vazhdueshëm i demokracisë dhe sundimit të ligjit në Xizang ofron garanci thelbësore për stabilitetin afatgjatë të rajonit, prosperitetin dhe të drejtat e të gjitha grupeve etnike për të ushtruar vetëqeverisje.

Foto:VCG

Foto:VCG

Ndërkohë, Rajoni vijon të jetë një model kombëtar dhe global për përparimin e mbrojtjes së mjedisit ekologjik. Rajoni ka marrë masa të gjithanshme për të balancuar ruajtjen dhe zhvillimin, duke përparuar drejt zhvillimit të gjelbër dhe të vazhdueshëm. Sipas librit të bardhë, tani në Xizang ka 47 rezervate natyrore në nivele të ndryshme, të cilat mbulojnë një sipërfaqe prej 412 200 kilometrash katrorë.

Që nga viti 2016, përqindja e ditëve me cilësi të shkëlqyer ajrore në këtë rajon autonom ka arritur në mbi 99 për qind çdo vit.

Ndërkohë, Xizang ka përshpejtuar ndërtimin e një baze kombëtare të energjisë së pastër, e cila tani përbën gati 90 për qind të kapacitetit të instaluar të prodhimit vendor të energjisë elektrike.

Xizang ndjek një menaxhim të ndërthurur për mbrojtjen e mjedisit, ku përfshihen ruajtjet sistematike të maleve, lumenjve, pyjeve, tokave bujqësore, liqeneve, kullotave, shkretëtirave dhe akullnajave. Janë caktuar administratorë për mbrojtjen e secilit lumë, liqen, pyll dhe kullote.

Foto:VCG

Foto:VCG