Foto nga CFP

Deri në qershor, Kina kishte rreth 364 milionë përdorues të kujdesit shëndetësor në internet, sipas një raporti të publikuar nga Akademia Kineze e Studimeve të Hapësirës Kibernetike në Samitin e Wuzhen të Konferencës Botërore të Internetit 2023 (WIC).

Mbulimi i internetit në zonat rurale të Kinës ishte 60.5 për qind dhe rreth 68.000 persona me aftësi të kufizuara u punësuan mesatarisht në vit përmes internetit, duke treguar se teknologjia digjitale po luan një rol më të thellë në jetën e përditshme të njerëzve, thuhet në Raportin e Zhvillimit të Internetit në Kinë 2023, citon “Xinhua”.

Teknologjia digjitale ndihmoi gjithashtu në inovacionin e burimeve kulturore, pasi më shumë se 200 platforma “cloud” për kulturën publike ishin krijuar në fund të vitit 2022, me 1504 terabajt burime online që mbulojnë forma të ndryshme arti, sipas raportit.

Gjithashtu, Raporti Botëror i Zhvillimit të Internetit 2023 bën të ditur se Kina ka kontribuar në përmirësimin e shërbimeve publike digjitale globale dhe ka kryer në mënyrë aktive bashkëpunim ndërkombëtar në zbutjen e varfërisë në internet. (Irma)