Foto nga Xinhua

Forumi Ndër-Qytetërues i Komunikimit dhe Zhvillimit Global u hap të martën në Pekin. Veprimtaria treditore, me temë “Tradita e qytetërimit dhe rrugët drejt modernizimit” ka tërhequr rreth 150 politikanë, sipërmarrës, ekspertë të grupeve të mendimit, studiues, personalitete të njohura kulturore dhe të dërguar diplomatikë nga më shumë se 30 vende për të diskutuar çështjet në lidhje me komunikimin midis qytetërimeve dhe zhvillimin global, shkruan “Xinhua”.

Duke folur në forum, Zheng Bijian, kryetar themelues i Institutit Kinez për Strategjinë e Inovacionit dhe Zhvillimit, tha se shkëmbimet dhe mësimi i ndërsjellë midis qytetërimeve është mënyra më e mirë për të gjitha vendet për të ndjekur një rrugë modernizimi bazuar në karakteristikat e tyre.

Nuk ka fisnikëri apo epërsi në qytetërime, por vetëm dallime midis rajoneve të ndryshme. Dallimet në qytetërime nuk duhet të jenë burim konflikti në botë, por forca shtytëse e përparimit të qytetërimit njerëzor, tha Zheng.

Duke përshëndetur rolin e Kinës në promovimin e dialogut midis qytetërimeve, John Thornton, kryetar nderi i Institutit Brookings të SHBA-së, tha se mirëkuptimi është një kusht i domosdoshëm që vendet të shohin pikëpamjet e njëri-tjetrit dhe në mënyrë të tillë që të avancojnë çdo numër axhendash të rëndësishme. (Elona)