Foto nga CFP

Rusia është tërhequr zyrtarisht nga Traktati për Forcat e Armatosura Konvencionale në Evropë (CFE) mesnatën e së martës, njoftoi Ministria e Jashtme ruse në faqen e saj zyrtare, citon “Xinhua”.

“Më 7 nëntor 2023 ka përfunduar procedura e tërheqjes së CFE-së për Rusinë, e cila u pezullua nga vendi në vitin 2007. Kështu, dokumenti juridik ndërkombëtar më në fund ka hyrë në histori për ne”, thuhet në njoftim.

Rusia nuk sheh aktualisht mundësinë e përfundimit të marrëveshjeve të kontrollit të armëve me vendet e NATO-s, thuhet në njoftim.

Dy marrëveshje të tjera në lidhje me CFE-në nuk janë më të vlefshme për Rusinë: Memorandumi i Budapestit i 3 nëntorit 1990, i cili përcaktoi nivelet maksimale të armëve dhe pajisjeve konvencionale për gjashtë vendet e Traktatit të Varshavës dhe Marrëveshja anësore e 31 majit 1996, që modifikoi traktatin origjinal.

CFE-ja, e nënshkruar fillimisht në vitin 1990 nga anëtarët e atëhershëm të NATO-s dhe gjashtë shtetet e atëhershme të Traktatit të Varshavës, hyri në fuqi në vitin 1992. Pakti kishte për qëllim vendosjen e një ekuilibri midis dy aleancave ushtarake duke për të vendosur kufizime në sasitë e armëve dhe pajisjeve ushtarake që të gjitha palët lejoheshin të grumbullonin. (Irma)