Gaza, më 28 dhjetor 2023/CFP
Kryeministri izraelit Benjamin Netanyahu tha të shtunën se kabineti i luftës dhe ai politik i vendit “vendosën unanimisht për të zgjeruar operacionin tokësor” në Rripin e Gazës. Në të njëjtën kohë, vendet e rajonit paralajmëruan Izraelin kundër operacioneve të mëtejshme tokësore.
Në një konferencë shtypi, së cilës iu bashkuan edhe zyrtarë të tjerë të lartë në Tel Aviv, Netanyahu tha se Izraeli tani “po shkon në fazën e dytë të luftës”, gjatë të cilës vendi i tij do të përpiqet për të arritur objektivin e “shkatërrimit të aftësive ushtarake dhe qeverisë së Hamasit dhe duke i kthyer pengjet në shtëpi”.
Netanyahu paralajmëroi gjithashtu se lufta do të ishte “e gjatë dhe e vështirë” dhe kërkoi përsëri që civilët palestinezë të largohen nga veriu i Gazës ku Izraeli po fokuson sulmin e tij.
Forcat izraelite kanë kryer operacione të kufizuara tokësore ditët e fundit në Gaza përpara asaj që besohet se mund të jetë një pushtim masiv tokësor. Mbi 300 mijë trupa rezerviste u thirrën në detyrë nga autoritetet izraelite, shumë prej të cilëve të grumbulluar përgjatë kufirit me Gazën.
Sipas deklaratave të lëshuara të shtunën nga Forcat e Mbrojtjes të Izraelit, forcat ajrore goditën më shumë se 150 tunele nëntokësore dhe bunkerë të Hamasit, përveç inkursioneve të sakta tokësore.
protesterët bën thirrjet për lirimin e pengjeve të mbajtur nga Hamasi Palestinez, në Tel Aviv, Israel,më 28 dhjetor 2023 /CFP
Në të njëjtën ditë, Brigadat Al-Qassam, krahu i armatosur i Lëvizjes së Rezistencës Islamike (Hamas), tha në një fjalim televiziv se ishte gati të zhvillonte bisedime me Izraelin për zgjidhjen e çështjes së pengjeve, por Izraeli nuk tregoi "seriozitet të vërtetë". Brigadat Al-Qassam theksuan se kushti i vetëm për lirimin e pengjeve ishte që Izraeli të lironte të gjithë të burgosurit palestinezë.
Vendet në rajon paralajmëruan Izraelin të shtunën se ishin kundër operacioneve të mëtejshme tokësore në enklavën bregdetare. Ministria e Jashtme e Arabisë Saudite tha në një deklaratë se "dënon dhe denoncon çdo operacion tokësor të kryer nga Izraeli për shkak të kërcënimit që ato paraqesin për jetën e civilëve palestinezë".
