Foto nga VCG
Sistemi financiar i Kinës do të vazhdojë të përmirësojë aftësinë e tij për t'i shërbyer ekonomisë reale, thuhet në një raport të Këshillit të Shtetit, njofton “China Daily”.
Raporti për punën financiare iu dorëzua ligjvënësve për shqyrtim në seancën e vazhdueshme të Komitetit të Përhershëm të Asamblesë Kombëtare Popullore.
Që nga tremujori i katërt i vitit 2022, sistemi financiar ka zbatuar me saktësi dhe efektivitet një politikë monetare të kujdesshme, ka ofruar mbështetje më të fortë për ekonominë reale dhe ka siguruar funksionimin normal të tregut financiar, thuhet në raport.
Huatë e shprehura në juanë të Kinës u rritën me 19.75 trilionë juanë (2.75 trilionë dollarë) në nëntë muajt e parë të vitit, një rritje prej 1.58 trilionë juanë në bazë vjetore, sipas raportit.
Deri në fund të shtatorit, bilanci i kredive afatmesme dhe afatgjata që mbështetën sektorin e prodhimit u rrit me 38.2 për qind në bazë vjetore, ndërsa balanca e kredive për kompanitë e vogla dhe të mesme të teknologjisë u rrit me 22.6 për qind në bazë vjetore.
Sipas raportit, sistemi financiar do të përpiqet të stimulojë nxitësit e rinj të rritjes, të ofrojë mbështetje të qëndrueshme financimi për kërkesën e konsumatorëve, si konsumi i shumicës dhe i shërbimeve, dhe të forcojë shërbimet financiare për sipërmarrjet private. Po ashtu, do të bëhen më shumë përpjekje për të rritur ofertën financiare në fusha kyçe si prodhimi i avancuar, industritë strategjike në zhvillim dhe ndërmarrjet e shkencës dhe teknologjisë, në mënyrë që të përshpejtohet zhvillimi i një sistemi industrial modern. (Fatosi)
