Foto nga VCG

Një kufi vjetor për numrin e refugjatëve të pranuar në Britaninë e Madhe do të fillojë në janar 2025, njoftoi Ministria e Brendshme, citon “ATSH”.

“Autoritetet lokale do të përcaktojnë kapacitetin e tyre për të akomoduar njerëzit që vijnë në Britaninë e Madhe nëpërmjet rrugëve të sigurta dhe ligjore në mënyrë që të përcaktojnë kufirin”, njoftoi ministria.

Planet për një kufi u prezantuan në projektligjin kryesor të qeverisë për Emigracionin Ilegal, i cili u bë ligj në fillim të këtij viti, por ende nuk ka një datë të caktuar.

Kufiri, për të cilin qeveria do të kërkojë të marrë miratimin e Parlamentit përpara se të hyjë në fuqi në janar 2025, do të ndryshojë çdo vit.

Ai nuk do të përfshijë skemat e vizave të Ukrainës, politikën e zhvendosjes dhe ndihmës afgane, rrugën kombëtare britanike (jashtë shtetit) ose skemën e mandatit.  (Fatosi)