Foto nga Xinhua

Forumi i 3-të për Bashkëpunimin Ndërkombëtar "Një brez, një rrugë" shënon një tjetër moment kyç në procesin e ndërtimit së bashku të "Një brez, një rrugë", tha të mërkurën ministri i Jashtëm kinez Wang Yi, duke e quajtur forumin një "sukses të plotë".

Wang vuri në dukje se faza e re e bashkëpunimit do të krijojë edhe më shumë mundësi të reja për ekonominë globale dhe do të përmirësojë situatën ndërkombëtare.

"Vizioni më i madh i këtij forumi është modernizimi i përbashkët i botës," tha Wang. "Nisma 'Një brez, një rrugë' ka krijuar një platformë bashkëpunimi për zhvillimin e përbashkët dhe ka ndihmuar shumë vende në zhvillim të përshpejtojnë marshimin e tyre drejt modernizimit."

Gjatë forumit u arritën 458 rezultate, shumë më tepër se në edicionin e dytë, shtoi kryediplomati i Kinës.

Sipas tij, nisma "Një brez, një rrugë" është bërë produkti publik global më popullor dhe platforma më e madhe e bashkëpunimit ndërkombëtar në botë sot.

Wang shtoi se "Një brez, një rrugë" është një platformë e hapur dhe çdo vend është i mirëpritur të marrë pjesë në të në çdo kohë.

Ai kundërshtoi gjithashtu pretendimin se Partneriteti për Infrastrukturën dhe Investimet Globale, i nisur prej Shteteve të Bashkuara, ka në shënjestër "Një brez, një rrugë", duke e quajtur këtë një rast tjetër politizimi të çështjeve ekonomike.