Foto nga CFP

Tregtia elektronike ndërkufitare e Kinës ka pasur një rritje të qëndrueshme përkundrejt pasigurive globale, pasi shumë platforma të tregtisë elektronike rritën investimet dhe inovacionin në shërbimet logjistike dhe të shitjes me pakicë për të përmirësuar përvojën e blerjeve për konsumatorët globalë, shkruan “Xinhua”.

Vlerësimet fillestare tregojnë se importet dhe eksportet e tregtisë elektronike ndërkufitare të Kinës arritën në rreth 1.7 trilionë juanë (rreth 232.6 miliardë dollarë amerikanë) në tre tremujorët e parë të vitit, një rritje në bazë vjetore prej 14.4 për qind, njoftoi Administrata e Përgjithshme e Doganave.

Në pesë vitet e fundit, vëllimi i tregtisë elektronike ndërkufitare të Kinës është rritur 10 herë, ndërsa përqindja e saj në tregtinë e jashtme të vendit ishte rritur nga më pak se 1 për qind pesë vjet më parë në rreth 5 për qind.

Ka më shumë se 100.000 lojtarë të tregut ndërkufitar të tregtisë elektronike në Kinë. Logjistika ka qenë një shqetësim i madh për tregtinë elektronike ndërkufitare dhe një fushë kryesore investimi për aktorët e tregut. (Fatosi)