Foto nga VCG

Manzhouli, porti më i madh tokësor i Kinës, ka trajtuar gjithsej 22 000 udhëtime të trenave të mallrave Kinë-Evropë që nga koha kur nisi qarkullimi i këtyre trenave nëpërmjet portit një dekadë më parë, thanë autoritetet e portit.

Foto nga VCG

Shërbimet e transportit të mallrave Kinë-Evropë nëpërmjet Manzhouli-së filluan në fund të shtatorit 2013. Deri më 30 shtator të këtij viti, ky port në Rajonin Autonom të Mongolisë së Brendshme të Kinës Veriore trajtoi gjithsej 22 000 udhëtime të trenave të mallrave Kinë-Evropë, ose pothuajse 30 përqind të vëllimit të përgjithshëm kombëtar.

Importet dhe eksportet nëpërmjet portit Manzhouli përfshijnë kryesisht mallra të përdorimit të përditshëm, pajisje elektrike, makineri industriale, metale, prodhime bujqësore dhe pjesë këmbimi automjetesh.

Foto nga VCG

Gjatë nëntë muajve të parë të këtij viti, Manzhouli trajtoi pothuajse 16.8 milion tonë importe dhe eksporte, si edhe 3 722 udhëtime të trenave të mallrave Kinë-Evropë, me një rritje përkatësisht 41.9 dhe 4.9 për qind në krahasim me të njëjtën periudhë të vitit 2022.