Me rastin e Forumit të 3-të të Samitit Ndërkombëtar të Bashkëpunimit "Një brez, një rrugë", Grupi Mediatik i Kinës (CMG) së bashku me mediat kryesore të vendeve afrikane, publikuan së bashku Nismën e Veprimit Mediatik Kinë-Afrikë të "Një brez, një rrugë", e cila është miratuar nga 50 media afrikane, duke përfshirë mbështetjen organizative dhe institucionale të Korporatës Transmetuese të Kinës. Mediat kineze dhe afrikane do të thellojnë miqësinë Kinë-Afrikë dhe do të promovojnë lidhjet mes njerëzve përmes formave të ndryshme radiotelevizive.

Shen Haixiong, drejtor i CMG-së, tha përmes një videofjalimi se ky vit shënon 10-vjetorin e propozimit të presidentit kinez Xi Jinping për të ndërtuar së bashku nismën "Një brez, një rrugë" dhe gjithashtu 10-vjetorin e konceptit të politikës së presidentit Xi për sinqeritetin, rezultatet reale, afinitetin dhe mirëbesimin ndaj Afrikës. Gjatë dekadës së fundit, bashkëpunimi Kinë-Afrikë ka treguar vitalitet të madh dhe po ndërton një komunitet të nivelit të lartë Kinë-Afrikë me një të ardhme të përbashkët. CMG-ja është e gatshme të punojë krah për krah me miqtë e medias afrikane dhe të përdorë një perspektivë objektive dhe të ekuilibruar, një ndjenjë të sinqertë të ndihmës reciproke dhe një platformë të pasur për të treguar historinë e shkëmbimeve miqësore Kinë-Afrikë, duke demonstruar rezultatet e frytshme të bashkëpunimit nën nismën “Një brez, një rrugë” mes Kinës dhe vendeve të Afrikës.

Aktualisht, 50 organizata dhe institucione mediatike afrikane kanë shprehur mbështetjen dhe dëshirën e tyre aktive për të bashkëpunuar me Nismën e Veprimit Mediatik Kinë-Afrikë të "Një brez, një rrugë". Partnerët e medias afrikane do të punojnë së bashku me ata të CMG-së për të thelluar shkëmbimet dhe bashkëpunimin, për të planifikuar, prodhuar dhe transmetuar bashkërisht dokumentarë, filma artistikë dhe programe të integruara mediatike, veçanërisht për të forcuar bashkëpunimin në temën e ndërtimit të përbashkët të "Një brez, një rrugë".