Shoqëria Juridike e Hong Kongut zhvilloi Samitin Ndërkombëtar 2023 në kuadër të 10-vjetorit të “Një brez, një rrugë” (BRI), duke u fokusuar në ndërtimin me cilësi të lartë të kësaj nisme.
Në samit morën pjesë edhe John Lee, shefi ekzekutiv i Rajonit të Posaçëm Administrativ të Hong Kongut (HKSAR), Liu Guangyuan, zëvendësdrejtor i Zyrës Ndërlidhëse të Qeverisë Popullore Qendrore në HKSAR, Fang Jianming, zëvendëskomisioner i Zyrës së Komisionerit të Ministrisë së Jashtme Çështjet e Kinës në HKSAR dhe Paul Lam, sekretari për drejtësi i qeverisë së HKSAR-it. Lee deklaroi se qeveria e HKSAR mirëpret dhe mbështet plotësisht librin e bardhë të titulluar “Iniciativa Brezi dhe Rruga: Një Shtyllë kryesore e Komunitetit Global të së Ardhmes së Përbashkët”, të botuar nga autoritetet qendrore.
“Hong Kongu do të vazhdojë të kontribuojë në përpjekjet për ndërtimin e një komuniteti global të së ardhmes së përbashkët nën “Një brez, një rrugë””,- tha ai.
Lee theksoi se plani i 14-të kombëtar pesëvjeçar mbështet zhvillimin e vazhdueshëm të Hong Kongut si një qendër për shërbimet ndërkombëtare ligjore dhe zgjidhjen e mosmarrëveshjeve në rajonin e Azi-Paqësorit, i cili do të konsolidojë statusin e tij si një qytet global duke kontribuar në prosperitetin dhe zhvillimin e kësaj nisme.
Liu tha se që komuniteti ligjor i Hong Kongut të marrë pjesë më mirë në ndërtimin me cilësi të lartë të “Një brez, një rrugë”, duhet të punojë për të mbrojtur rendin kushtetues të HKSAR, për të promovuar lidhjen e rregullave dhe mekanizmave në tregti, investime dhe transport përgjatë “Një brez, një rrugë”, si dhe të zgjidhë më mirë mosmarrëveshjet ndërkufitare dhe të përmirësojë më tej statusin e Hong Kongut si një qendër shërbimi juridik ndërkombëtar.
Liu bëri thirrje që të shfrytëzohen përfitimet e politikave për praktikat ligjore në Zonën e Madhe të Gjirit Guangdong-Hong Kong-Makao dhe të forcohet integrimi me sektorin ligjor në pjesën kontinentale.
C. M. Chan, president i Shoqërisë Juridike të Hong Kongut, shprehu besimin se vendet dhe rajonet do të shfrytëzojnë mundësitë e ofruara nga “Një brez, një rrugë” për të kapërcyer sfidat, për të promovuar paqen, për të punuar së bashku për të forcuar lidhjet dhe për të mbrojtur interesat e përbashkëta.
Më shumë se 800 zyrtarë qeveritarë, ekspertë, studiues dhe drejtues biznesi nga vendet dhe rajonet përgjatë Brezit dhe Rrugës morën pjesë në këtë takim që u zhvillua me prani fizike dhe online. (Irma)
