Foto nga VCG

Hunter Biden deklaroi të martën se është pafajshëm lidhur me tre akuzat federale për armëmbajtje pa leje. Ngritja e këtyre akuzave pasoi dështimin e një marrëveshjeje për pranim të fajësisë nga ana e tij lidhur me disa shkelje të ligjit të taksave. Gjyqi lidhur me akuzat për armëmbajtje pa leje pritet të fillojë në vitin 2024.

Avokati i zotit Biden, Abbe Lowell tha në gjykatë se ai planifikon të paraqesë një mocion për të pushuar çështjen, duke sfiduar kushtetutshmërinë e saj.

Djali i Presidentit Joe Biden përballet me akuzat se ai gënjeu për përdorim droge në tetor të vitit 2018 në një formular për blerjen e një arme që e mbajti për rreth 11 ditë.