Foto nga VCG
38-vjeçari iranian Ehsan Hadadi fitoi medaljen e argjendtë në hedhjen e diskut për meshkuj në Lojërat Aziatike të Hangzhou-t. Pas garës, ky sportist legjendar, që ka fituar katër tituj kampion radhas në 17 vitet e fundit, deklaroi vendimin e tij për të lënë sportin. Në një intervistë, ai tregoi emocionet e ndërlikuara të tij, duke thënë: “Jam i lumtur dhe i trishtuar njëkohësisht, sepse e di që qysh nga nesër, jeta ime do të ndryshojë krejtësisht.”
39-vjeçari kinez Liang Ruiji e ka ndihmuar ekipin kinez të fitojë titullin kampion në triatlonin e hipizmit. Pas fitores, ai tha: “E kemi pritur këtë moment qysh nga krijimi i ekipit kinez të hipizmit.” Qysh prej vitit 1982, kur hipizmi u përfshi zyrtarisht në Lojërat Aziatike, ekipi kinez për herë të parë ngjitet në podiumin më të lartë të këtij sporti.
Foto nga VCG
Hipisti kinez Hua Tian fitoi medaljet e arta në triatlonin ekipor dhe si individ. Pas fitores, ai tha: “Tani është ora tre e mëngjesit në Britani. Nëna ime është shumë e shqetësuar kur konkurroj. Kur isha 14 vjeç dhe merrja pjesë në gara, ajo dukej më nervoze se unë, dhe më pas, vendosi të mos shikojë më garat e mia.”
Foto nga VCG
Në finalen individuale të pingpongut për meshkuj në Lojërat Aziatike të Hangzhou-t, pingpongisti kinez Wang Chujin fitoi 4 me 3 ndaj shokut të vet të ekipit Fan Zhendong, duke marrë medaljen e artë. Ai u shpreh që ka luajtur mbi nivelin e vet në finale: “Sot dhamë një finale të bukur për të gjithë dhe unë luajta 120 % të nivelit tim.”
(Jiang Lei)
