“The Macao Daily”, një gazetë kryesore në Rajonin e Posaçëm Administrativ të Makaos të Kinës, është bashkuar me “Global Media Group” në Portugali, për të prezantuar kulturën kineze në portugalisht.

Seksioni i parë i veçantë i kulturës kineze u botua të enjten në gazetën “Diario de Noticias” të grupit mediatik, duke prezantuar Festivalin e Mesit të Vjeshtës, shkruan “Xinhua”. 

Chui Chi Tou, kryeredaktor i “Macao Daily”, tha se ata shpresonin të përdornin rolin unik të Makaos në shkëmbimet kulturore midis Kinës dhe Perëndimit gjatë shekujve të kaluar për t’i raportuar mbi kulturën kineze audiencës portugalisht-folëse.

Marco Galinha, kryetar i bordit të drejtorëve të grupit mediatik, tha se partneriteti strategjik me “Macao Daily” paraqet një mundësi për të zgjeruar grupet e lexuesve të “Diario de Noticias” dhe për të rritur strategjinë e grupit për të dalë në tregun ndërkombëtar. (Irma)