foto: VCG

Misioni Mbështetës i Kombeve të Bashkuara në Libi, UNSMIL, theksoi nevojat humanitare në Libinë lindore të goditur nga përmbytjet e fundit vdekjeprurëse. “Nevojat humanitare mbeten kritike. Agjencitë e OKB-së zbuluan se objektet shëndetësore në disa zona të prekura ose janë pjesërisht ose plotësisht jofunksionale. Vërshimet e përmbytjeve shkatërruan edhe rrjetet e ujit dhe tubacionet e ujërave të zeza”,- thuhet në deklaratë të UNSMIL, citon “Xinhua”.

foto: VCG

Shumë familje të zhvendosura nga përmbytjet po strehohen në shkolla, pasi autoritetet lokale po punojnë për të gjetur zgjidhje për nevojat e tyre të strehimit, thuhet në deklaratë, duke theksuar nevojën për të adresuar urgjentisht situatën e personave të zhvendosur që qëndrojnë në shkolla përpara fillimit të vitit shkollor. 

“Agjencitë dhe partnerët e OKB-së, të cilët ishin në terren në zonat e prekura pas disa orësh nga përmbytjet, po ofrojnë ujë të pijshëm të sigurt, pajisje mjekësore, higjienike dhe shkollore, batanije, artikuj ushqimorë dhe shërbime të ndihmës së parë psikosociale për njerëzit, si dhe mbështetje për krijimin e gjashtë spitaleve fushore”,- tha ai. 

Gjatë një vizite në qytetin Derna, i cili pësoi më shumë shkatërrim nga përmbytjet se çdo qytet tjetër në zonë, Georgette Gagnon, rezidente e OKB-së dhe koordinatore humanitare në Libi, theksoi përparimin në përpjekjet e vazhdueshme për heqjen e mbeturinave, rehabilitimin e rrugëve dhe ofrimin e ndihmës humanitare, po ashtu edhe ndihmë për personat e prekur. 

Në takimet me autoritetet lokale, Gagnon bëri thirrje për akses të plotë nga punonjësit humanitarë dhe një koordinim më të fortë midis palëve të interesuara. Ai theksoi gjithashtu nevojën për të përshpejtuar përpjekjet e rimëkëmbjes së hershme për të çuar përpara rindërtimin afatgjatë. (Irma)