Linja e parë e varur hekurudhore me një shinë u hap për publikun të martën në Wuhan/Xinhua

Linja e parë e varur hekurudhore me një shinë u hap për publikun të martën në Wuhan, kryeqendër e provincës Hubei të Kinës Qendrore, me një shpejtësi maksimale funksionimi prej 60 kilometrash në orë.

Faza e parë operative e projektit mbulon një distancë të përgjithshme prej 10.5 kilometrash dhe përfshin gjashtë stacione, sipas operatorit të saj, Kompania e Trafikut e Luginës Optike.

Treni, i njohur edhe si "Fotoni i Luginës Optike", duket i varur kokëposhtë, meqenëse traseja është e vendosur sipër.

Kjo linjë punon 12 orë në ditë me një tren që niset çdo 10 minuta.

I tërë procesi i funksionimit, që përfshin nisjen, hyrjen në stacione dhe hapjen e mbylljen e dyerve, është plotësisht i automatizuar. 

Linja e parë e varur hekurudhore me një shinë u hap për publikun të martën në Wuhan/Xinhua

Xie Hongzhen, anëtar i stafit të kompanisë, tha se projekti unik i hekurudhës me një shinë e bën një zgjidhje të zgjuar operacionale.

Në krahasim me hekurudhat tradicionale ose metrotë me dy shina, hekurudhat me një shinë ofrojnë një udhëtim më të qetë dhe eliminojnë në mënyrë efektive ndërhyrjen nga trafiku tjetër dhe këmbësorët.

Udhëtarët mund ta shijojnë qytetin nga një perspektivë krejtësisht e ndryshme përmes dyshemesë së xhamit nën këmbët e tyre.

Qysh nga funksionimi provë në maj, kjo linjë hekurudhore ka tërhequr turistët nga mbarë vendi.(Xu Guang)