Ministrja e Brendshme gjermane, Nancy Faeser, ka refuzuar propozimin e kryeministrit bavarez, Markus Soder, për vendosjen e një kufiri vjetor për refugjatët në Gjermani, njofton “ATSH”.

“Kufijtë nuk duhen respektuar sepse ne kemi ligjin evropian, ligjin ndërkombëtar, dhe nuk mund ta zvogëlojmë të drejtën individuale për azil”, tha Faeser.

Soder, i cili është gjithashtu lider i partisë konservatore bavareze Unioni Kristiansocial (CSU), i bëri thirrje kancelarit Olaf Scholz që ta bëjë çështjen e emigrimit një prioritet kryesor.

Ai propozoi vendosjen e një kufiri integrimi prej rreth 200.000 refugjatësh, duke e cilësuar një udhëzues brenda të cilit integrimi në Gjermani mund të ketë ende sukses.

Soder theksoi se ai nuk ishte në favor të heqjes së azilit individual.

“Kemi nevojë për një kthesë drejt një politike të qëndrueshme emigracioni”, tha ai. (Fatosi)