Regis Ostrosi ka marrë pjesë në disa kampionate ku është shpallur fitues në disiplinat krol dhe katërnotim. Që prej 2021 ai vijon të stërvitet me ekipin e notit të Klubit të Tiranës me te cilin ka fituar Kupën e notarit me te mirë për moshat në Republikën e Shqipërisë për vitin 2022, si dhe shumë medalje në aktivitetet ndërkombëtare ne Ballkan. Në gusht të këtij viti Regis ka triumfuar sërish për moshën e tij në Festivalin Ndërkombëtar Veror të Sporteve në Ohër, duke fituar sërish trofeun e notarit më të mirë për kategorinë e moshës. Pjesëmarrës në këtë aktivitet kanë qenë rreth 460 notarë nga rreth 16 ekipe.
foto/Regis Ostrosi ( foto personale)
Kush e ka frymëzuar Regis në rrugën e notit? Është motra e tij Erla, 5 vjet më e madhe se ai. Këtë vit ajo fillon studimet për mjekësi, por është notare dhe ka qenë shoqëruesja e pandashme e Regis në te gjitha garat gjatë këtyre 4 viteve. Vajza e imët me kaçurrela që shfaqet në një pjesë të fotove te tij është inspirim dhe mbështetja më e madhe e Regisit të vogël.
CMG: Regis, çfarë është për ty sporti i notit?
Regis Ostrosi: Sporti i notit për mua është gjithçka. Është dita ime dhe pasioni im. Kam filluar ta kuptoj kur kam qenë ende një fëmijë i vogël dhe sot që e praktikoj, por edhe fitoj çdo ditë kuptoj se sa e rëndësishme është ta duash atë gjë që ti bën . Në tërësi gjërat duhet t’i duash shumë që t’i zotërosh.
foto/Regis Ostrosi ( foto personale)
CMG: Sa orë në ditë praktikohesh?
Regis Ostrosi: Në fakt sporti i notit nuk ka vetëm praktikën, por dhe dietën strikte. Këto duhet të kombinohen shumë mirë që të kenë mundësi për të shkuar gjërat siç duhet . Unë kujdesem të bëj shumë shpesh praktikë dhe më pas kujdesem edhe për ushqimin, aq sa mundem.
foto/Regis Ostrosi me motren e tij ( foto personale)
CMG: Ju keni qenë një fëmijë që e kishit frikë ujin?
Regis Ostrosi: Po, unë kam qenë një fëmijë që e kam pasur shumë frikë ujin .
Kisha frikë të notoja dhe nuk e merrja atë gjë përsipër deri kur e fillova me pak guxim . Sot përpiqem që edhe shokët e shkollës edhe njerëz rreth meje t’i motivoj që noti është sporti më i bukur .
CMG: Si ndihesh që ke marrë shumë çmime?
Regis Ostrosi: Ndihem mire, por nuk kam marrë mjaftueshëm. Unë kam një rrugë të gjatë përpara, e cila do më ofrojë më tepër se kaq . Po punoj që çdo ditë të marr suksese të mëdha mbi supe. E di që këtë gjë do e arrij .
CMG : Si arrihen sukseset në jetë ?
Regis Ostrosi: Sukseset arrihen duke qenë punëtor i rregullt. Pra, nëse punon çdo ditë nga pak por rregullisht ti fillon të duash atë gjë që bën.
foto/Motra E Regisit suporti i tij me i madh ( foto personale)
CMG: Kush të suporton?
Reigs Ostrosi: Mua suport në jetë më është bërë familja ime. Nuk kanë ndalur së plotësuari dëshirat e mia ndaj dhe unë dua t’i bëj gjithmonë krenar.
CMG: Sapo je shpallur kampion noti në një kompeticion në Ohër. Si u ndjeve?
Regis Ostrosi: Unë thjesht i vertetova vetes se mundem që t'ia dal. U lumturova shumë dhe falë familjes që më shoqëroi. Tani jam në pritje të sukseseve të radhës .
Intervistoi Megi Latifi
