Foto nga VCG

Sipas një raporti të fundit nga CBS, banorët në ishullin amerikan Maui të Havait, që pësoi një zjarr shkatërrues disa javë më parë, po përballen me kërcënimin e "ajrit toksik", ndonëse zjarri është shuar.

Departamenti i Shëndetësisë i shtetit të Havait tha se prania e ndotësve toksikë në rrënoja dhe hiri pas zjarrit ishte më shqetësueset. Raporti citon një toksikolog lokal, sipas të cilit "do të duhet një kohë e gjatë" për të hequr të gjitha substancat toksike. "Njerëzit duhet të jenë shumë të kujdesshëm kur u afrohen zonave plot me hi dhe mbeturina," këshilloi ai. Sipas raporteve, disa kanë përjetuar tashmë reaksione të padëshiruara. Një nga vullnetarët u kollit gjak pasi kaloi disa ditë pranë zonës së djegur dhe të tjerët patën një ndjesi djegieje në gjoks dhe fyt.

Banorët thanë se, pas zjarrit, dikush kishte probleme me frymëmarrjen dhe "kishte kollitur vazhdimisht gjëra të zeza". Mbajtja e një maske mund t'i mbrojë ata nga pluhuri dhe grimcat e imëta, por jo nga ajri toksik.