Foto nga VCG

Një total prej 338 projektesh me një investim prej 404 miliardë juanë (rreth 55.5 miliardë dollarë amerikanë) u nënshkruan të enjten gjatë ekspozitës së shtatë Kinë-Azia Jugore dhe Panairin e 27-të të Importit dhe Eksportit mbajtur në qytetin Kunming, kryeqendra e provincës Yunnan të Kinës Jugperëndimore.

Projektet e investimeve u fokusuan në industritë kryesore në Yunnan, si bujqësia moderne, energjia e gjelbër, prodhimi i avancuar, turizmi kulturor dhe kujdesi shëndetësor, bën të ditur “Xinhua”.

Rajoni Pekin-Tianjin-Hebei, rajoni i deltës së lumit Yangtze dhe Zona e Madhe e Gjirit Guangdong-Hong Kong-Makao, shtytësit kryesorë të rritjes rajonale të vendit, mbeten ende forcat kryesore të investimeve në Yunnan. Ndërmarrjet e shquara nga këto rajone të fuqishme po drejtojnë rritjen ekonomike të Yunnan-it, duke përfituar nga vendndodhja strategjike e provincës dhe burimet e pasura. Ekspozita pesëditore që u hap të mërkurën ka tërhequr më shumë se 30,000 ekspozues, përfaqësues dhe të ftuar nga 85 vende dhe rajone.

Gjatë dhjetë viteve të fundit, ekspozita ka dëshmuar lidhje më të ngushta midis Kinës dhe Azisë Jugore, me vëllimin e tregtisë midis Kinës dhe vendeve të Azisë Jugore që është dyfishuar. (Elona)