foto nga CFP

Ministria kineze e Shkencës dhe Teknologjisë nxori një plan pune për ta bërë Pekinin një qendër të madhe ndërkombëtare të inovacionit të teknologjisë shkencore në botë deri në vitin 2025.

Plani u formulua bashkërisht nga 12 departamente, me synimin për të përshpejtuar mbështetjen te teknologjia shkencore, te zhvillimi me cilësi të lartë dhe transformimi i qytetit në një qendër të madhe shkencore dhe qendër globale të inovacionit, citon “Xinhua”.

Plani përcakton qëllimet e zhvillimit për ta bërë Pekinin një burim inovacioni teknologjik në shkencën e fundit dhe industritë në zhvillim, si dhe një vend për konvergjencën e elementeve globale të inovacionit.

Plani thekson rritjen e mbështetjes për kërkimin bazë në fusha të tilla si matematika, fizika, kimia dhe shkencat e jetës, si dhe arritja e marrëveshjeve për kërkime të fundit shkencore në fusha si inteligjenca artificiale dhe bioteknologjia.

Plani gjithashtu propozon zgjidhjen efektive të një sërë problemesh teknike kyçe dhe thelbësore dhe bën thirrje për mbajtjen e kostove të kërkimit dhe zhvillimit në rreth 6 për qind të PBB-së rajonale. Ndërkohë, kërkimi bazë duhet të përbëjë rreth 17 për qind të kostove të kërkimit dhe zhvillimit. (Irma)