Administrata Kombëtare e Rregullores Financiare (NAFR) u krijua zyrtarisht të enjten si rregullatori i ri financiar i Kinës, duke shënuar një hap të rëndësishëm në reformën institucionale të vendit për mbikëqyrjen financiare, bën të ditur “Xinhua”.

Administrata e re, drejtpërdrejt nën Këshillin e Shtetit, është formuar në bazë të Komisionit Rregullativ të Bankave dhe Sigurimeve të Kinës.

Administrata e re është përgjegjëse për rregullimin e industrisë financiare, me përjashtim të sektorit të letrave me vlerë. Ajo do të marrë përsipër funksione të caktuara të Bankës Popullore të Kinës dhe Komisionit Rregullator të Letrave me Vlerë. Ngritja e rregullatorit të ri pritet të forcojë dhe përmirësojë rregullimin financiar të vendit dhe të trajtojë disa nga problemet e kahershme dhe të spikatura në sektorin financiar.

Plani për ngritjen e administratës u miratua nga legjislatura kombëtare në mars. (Elona)