CFP

Faqja amerikane e internetit "The Hill" raportoi më 20 prill se hendeku i pasurisë racore është një nga pabarazitë më të dukshme në Shtetet e Bashkuara sot. Shekujt e barrierave strukturore dhe ligjore kanë përjashtuar dhe penguar aftësinë e familjeve afro-amerikane për të grumbulluar dhe mbajtur pasuri. Ndërsa politikat e sotme vazhdojnë t'i përjetësojnë këto pengesa.

Raporti vë në dukje se që nga viti 1950, politika publike në thelb nuk e ka ndryshuar hendekun serioz të pasurisë racore. Kjo vjen nga një histori e racizmit sistematik, duke filluar me skllavërinë, në të cilën afro-amerikanët u detyruan të bëheshin kapital për klasën e njerëzve të bardhë në plantacionet e tokave. Më pas, u krijua një sistem në të cilin afro-amerikanët përjashtoheshin nga akumulimi i pasurisë, duke vazhduar me ligjet e punës. Kjo situatë vazhdon edhe sot: përjashtimi nga aksesi në kapital, financimi grabitqar, pengesat për pronësinë e shtëpive, grackat e punësimit me paga të ulëta, etj.
Ky trend po përshpejtohet me shpejtësi pasi ultra të pasurit vazhdojnë të fitojnë pasuri të reja. Sipas llogaritjeve të fundit nga Oxfam, në 10 vitet e fundit (2012-2021), për çdo 100 dollarë pasuri të krijuar në Shtetet e Bashkuara, 37 dollarë shkuan për 1 për qind të njerëzve më të pasur, ndërsa 50 për qind më të varfërit morën vetëm 2 dollarë. Këtu sërish del në pah çështja e racës. Në krye, pothuajse të gjithë miliarderët, janë të bardhë.

CFP

Në këtë artikull vihet në dukje se rregullat ekonomike dhe tatimore të ShBA-së u garantojnë super të pasurve dhe korporatave të grumbullojnë aq shumë pasuri, sa që të përbëjnë një kërcënim për demokracinë, lulëzimin dhe shëndetin shoqëror të ShBA-së. (Xu Guang)