Selia e Bankës Popullore të Kinës/ foto nga CFP
Kina i mbajti të enjten të pandryshuara normat e saj bazë të huadhënies për muajin e tetë në radhë në prill, ndërsa rimëkëmbja ekonomike mbetet në rrugën e duhur dhe analistët e tregut thonë se ka një nevojë të ulur për mbështetje të menjëhershme monetare.
Ekonomia e dytë më e madhe në botë u rrit me një ritëm më të shpejtë sesa pritej në tremujorin e parë, ndërsa bizneset e konsumi nisën të mëkëmben nga gjendja pandemike e COVID-19.
"Të dhënat e larta ekonomike në tremujorin e parë tregojnë shenja të rimëkëmbjes së fortë, gjë që ul nevojën urgjente që autoritetet të lehtësojnë politikën monetare për të ndihmuar rimëkëmbjen," i tha CGTN-it të enjten Bruce Pang, kryeekonomisti dhe kreu i kërkimeve për Kinën i JLL-it.
Pang u shpreh se kjo ishte arsyeja kryesore pse autoritetet kineze i kanë mbajtur të pandryshuara normat e huadhënies. (Artan)