Foto nga VCG

Eksportet bujqësore të provincës Shandong të Kinës Lindore arritën një rekord të lartë në vitin 2022, duke u renditur i pari në vend për 24 vjet rresht, thanë autoritetet lokale.

Në vitin 2022, eksportet bujqësore të Shandong arritën në 139.4 miliardë juanë (rreth 20.62 miliardë dollarë amerikanë), 12.6 për qind më shumë se një vit më parë, përcjell “Xinhua”. Kjo shifër përbën 21.3 për qind të vlerës totale të eksporteve bujqësore të Kinës, sipas të dhënave nga Dogana Qingdao dhe Dogana Jinan.

Vitin e kaluar, produktet bujqësore në Shandong u eksportuan kryesisht në Japoni, Shoqatën e Kombeve të Azisë Juglindore dhe Bashkimin Evropian. Vlera e eksportit të produkteve ujore, perimeve dhe kërpudhave ushqimore përbënte 45.5 për qind të vlerës totale të eksportit të produkteve bujqësore në Shandong.

Të dhënat treguan se vlera e tregtisë së jashtme të Shandong arriti në 3.33 trilionë juanë në vitin 2022, një tjetër nivel rekord, me një rritje në baza vjetore prej 13.8 për qind. (Elona)