Italia pritet të ketë sezonin më të ngrohtë të pushimeve në të paktën 50 vjet, sipas meteorologëve.
Foto:VCG
Sipas Daniele Cat Berro nga Shoqata Italiane Meteorologjike, një rrymë e ngrohtë ajri nga Afrika e Veriut po rri pezull mbi pjesën më të madhe të Italisë, duke i çuar temperaturat në nivele rekord.
Në të gjithë Italinë qendrore dhe jugore, temperaturat pritet të kalojnë maksimalet e 50 viteve. Temperaturat e larta ditore do të mbeten më të nxehta se normalja deri në fund të vitit të ri, tha Cat Berro.
“Ky fenomen anticiklon nga Afrika e Veriut po i rrit temperaturat në nivele të larta. Është i njëjti ndikim që u pa në verë, kur temperaturat ishin mbi 40 gradë celsius, përveç se tani pjerrësia e tokës është më e madhe dhe dielli është më i ulët dhe kështu temperaturat e larta aktuale janë më të ulëta”,- tha ai për “Xinhua”.
Ky vit është me ritmin për të qenë më i nxehti në Itali që nga fillimi i mbajtjes së të dhënave në fillim të viteve 1800, pas një vere jashtëzakonisht të nxehtë dhe të thatë që la qindra të vdekur, vendosi rekorde në të gjithë vendin dhe uli prodhimin e përgjithshëm bujqësor të vendit deri në një e treta.
Foto:VCG
Reshjet e pakta i lanë pellgjet kryesore të lumenjve në Italinë veriore dhe qendrore të thatë dhe mungesa e reshjeve të kombinuara me temperatura të larta të paarsyeshme shkaktoi shembjen e një akullnaje të madhe në Dolomite të Italisë veriore, duke vrarë 11 alpinistë.
Vera e nxehtë dhe e thatë më pas i la vendin motit ekstrem në vjeshtë, me reshje të forta shiu, përmbytje të shpejta, erërat e forta dhe rrëshqitjet e baltës. Qyteti kanal i Venecias u kërcënua nga përmbytjet dhe u shpëtua vetëm për shkak të sistemit "Mose" të portave të përmbytjeve që hyri në funksion vitin e kaluar.
Baza e të dhënave evropiane të motit të rëndë “ESWD” bëri të ditur se Italia kishte regjistruar tashmë pesë herë më shumë ngjarje ekstreme të motit se një dekadë më parë, me një muaj para vitit.
Sipas Cat Berro, ndërsa është e vështirë të lidhësh ndonjë ngjarje të vetme të motit me ndryshimin e klimës, shpeshtësia dhe ashpërsia e ngjarjeve të motit është e lidhur me ndryshimin e klimës globale. (Irma)
