VCG

Pavarësisht rritjes së numrit të automjeteve, Kina ka pasur një ulje të lehtë të sasive të katër ndotësve kryesorë të ajrit të emetuar nga automjetet vitin e kaluar, sipas një raporti vjetor nga Ministria e Ekologjisë dhe Mjedisit, përcjell “China Daily”.

Pas rritjes prej 6.2 për qind nga viti 2020, numri i mjeteve motorike në mbarë vendin arriti në 395 milionë vitin e kaluar, sipas raportit mbi menaxhimin e burimeve të emetimeve celulare.

Ky është viti i tretë radhazi që Kina përjeton një rritje vjetore prej mbi 6 për qind në numrin e makinave.

VCG

Automjetet emetuan gjithsej 15.6 milionë tonë metrikë monoksid karboni, hidrokarbur, okside të azotit dhe grimca në vitin 2021, krahasuar me 15.9 milionë tonë në vitin 2020.

Ulja është rezultat i një "progresi të rëndësishëm" në një sërë veprimesh për të forcuar menaxhimin e emetimeve nga burimet e lëvizshme, sipas një njoftimi për media nga ministria.

Shumë rajone, për shembull, morën masa për të nxitur rregullimet në transport, përmirësime të cilësisë së naftës dhe përmirësimin e menaxhimit të burimeve të emetimit të lëvizshëm, tha ai. (Irma)