Pjesa e fundit përfundoi në terminalin e importit LNG në Willian të Gjermanisë më 12 dhjetor 2022/ foto nga VCG
Agjencia Ndërkombëtare e Energjisë paralajmëron se Bashkimi Evropian mund të përballet me një mungesë prej afro 30 miliardë metra kub gazi natyror në vitin 2023. Fatih Birol, drejtor ekzekutiv i Agjencisë, bashkë me presidenten e Komisionit Evropian Ursula von der Leyen, paraqiti një raport të titulluar "Si të shmangim mungesat e gazit në Bashkimin Evropian në 2023-shin". Në raport thuhet se hendeku i mundshëm i furnizimit dhe kërkesës për gaz të BE-së mund të arrijë në 27 miliardë metra kub në vitin 2023”,- thuhet në raport.
Mungesa do të përfaqësojë 7.6 për qind të kërkesës totale bazë të gazit natyror të BE-së, sipas IEA-s.
Ai paralajmëroi se temperaturat jashtëzakonisht të buta që shihen në fillim të dimrit evropian nuk janë të garantuara se do të zgjasin, furnizimet ruse mund të bien më tej dhe furnizimet globale të LNG parashikohen të jenë të pakta, citon “Xinhua”.
Deri në tetor 2023, Gjermania do të shtrojë tubacionin e LNG prej 55 km/ foto nga VCG
Birol përshkroi një sërë masash praktike afatshkurtra në përputhje me ambicien e BE-së për klimën, që mund të vendosen dhe të jenë efektive përpara dimrit të vitit 2023.
Përmirësimi më i shpejtë i eficencës së energjisë mund të ndihmojë në kursimin e gazit natyror në vitin 2023. Shembujt variojnë nga rinovimi i ndërtesave me fokus në banesat sociale deri te përdorimi i dritave LED në rrugë. Birol bëri thirrje gjithashtu për vendosje më të shpejtë të burimeve të rinovueshme të energjisë me procese më të shkurtra të lejeve. Ai tha se shqetësimet për sigurinë e energjisë kanë tejkaluar shqetësimet ekologjike si forca kryesore lëvizëse pas vendosjes së burimeve të rinovueshme. Aktualisht, një e treta e konsumit të gazit natyror të BE-së përdoret për ngrohjen e ndërtesave.
Von der Leyen tha se BE-ja ka punuar shumë për të forcuar sigurinë energjetike për këtë dimër, pasi u largua nga karburantet fosile ruse dhe tani po e kthen fokusin në përgatitjen për dimrin 2023-2024. (Elona)
