Foto: CMG

Akademia Kineze e Shkencave (CAS) publikoi grupin e parë të të dhënave shkencore, të prodhuara të shtunën nga dy satelitë të dërguar në hapësirë dy vjet më parë për të zbuluar shpërthimet me rreze gama.

Satelitët, të nisur më 10 dhjetor 2020, po kryejnë misionin e Vrojtimit Elektromagnetik me Energji të Lartë të Valëve Gravitacionale (GECAM).

Midis të dhënave të publikuara janë vëzhgimet e detajuara të 75 shpërthimeve të rrezeve gama nga janari 2021 deri në maj 2022, që mund të kontribuojnë në studimin e dukurive kozmike nga astronomët në mbarë botën.

Misioni GECAM vrojton dukuri qiellore me energji të lartë, të tilla si shpërthimet e valëve gravitacionale të rrezeve gama, rrezatimi me energji të lartë i shpërthimeve të shpejta të radiovalëve, shpërthimet e posaçme të rrezeve gama dhe shpërthimet magnetike. Ai përfshin gjithashtu studimin e yjeve neutronë, vrimave të zeza dhe objekteve të tjera kompakte dhe proceset e tyre të bashkimit.

Satelitët janë projektuar gjithashtu për të gjurmuar dukuri të rrezatimit me energji të lartë në hapësirë.

Në 9 tetor 2022, një pajisje e montuar në GECAM zbuloi shpërthimin më të ndritshëm të rrezeve gama të njohur deri tani, sipas Qendrës Kombëtare të Shkencës Hapësirore (NSSC) të CAS-it.

Të dhënat janë ngarkuar në uebsajtin e NSSC-së dhe janë tani në dispozicion të publikut.