Foto: VCG

Numri i pikave të reja të karikimit për automjetet elektrike (EV) në Kinë u rrit me një ritëm të shpejtë këtë vit për të përmbushur kërkesën e komunitetit në rritje të EV të vendit, treguan të dhënat industriale, njofton “Xinhua”.

Deri në fund të nëntorit, vendi kishte rreth 4.95 milionë pajisje karikimi, 107.5 për qind më shumë nga e njëjta periudhë e vitit të kaluar, sipas Aleancës së Promovimit të Infrastrukturës së Karikimit të Automjeteve Elektrike të Kinës (EVCIPA).

Rreth 2.33 milionë pika karikimi janë shtuar nga janari deri në nëntor të këtij viti, njoftoi EVCIPA.

Nga totali, numri i stacioneve të reja publike të karikimit u dyfishua nga një vit më parë, ndërsa numri i pikave private të karikimit u katërfishua në 11 muajt e parë krahasuar me vitin e kaluar.

Rritja e shpejtë në pajisjet e karikimit është përgjithësisht në përputhje me lulëzimin e sektorit të automjeteve me energji të re të vendit.

Nga janari në nëntor, shitjet e automjeteve me energji të re arritën në 6.07 milionë njësi në Kinë, që ishte 2.6 herë më shumë se pikat e karikimit të shtuara rishtazi gjatë periudhës, duke përmbushur në thelb nevojat e industrisë me zhvillim të shpejtë, sipas EVCIPA. (Fatosi)