Foto: VCG

Fondi i Kombeve të Bashkuara për Popullsinë (UNFPA) apelon për 113.7 milionë dollarë amerikanë për të rritur shëndetin riprodhues dhe shërbimet e mbrojtjes për gratë dhe vajzat në Bririn e Afrikës, njofton “Xinhua”.

Një thatësirë e paprecedentë në rajon ka prekur mbi 36 milionë njerëz që kanë nevojë për ndihmë urgjente humanitare. Konflikti, infektimet e karkalecave dhe ndikimet e vazhdueshme të pandemisë Covid-19 po përkeqësojnë efektet e motit ekstrem, duke shtyrë miliona në prag të urisë, bëri të ditur Agjencia Botërore e Shëndetit Seksual dhe Riprodhues.

Sipas agjencisë, etja dhe uria kanë dëbuar më shumë se 1.7 milionë njerëz nga shtëpitë e tyre në kërkim të ushqimit, ujit dhe shërbimeve thelbësore, ndër të cilat shumica janë nëna që shpesh ecin me ditë dhe javë për t'i shpëtuar thatësirës.

Si pjesë e apelit, UNFPA planifikon të krijojë klinika shëndetësore të lëvizshme dhe statike, dhe të rrisë shtrirjen e komunitetit për të ofruar shërbime të shëndetit riprodhues për gratë dhe vajzat, përfshirë në vendet e zhvendosjes, dhe për të vendosur mami të trajnuara në klinika statike dhe të lëvizshme në zonat ku gratë dhe vajzat nevojat e vajzave janë më të mëdha. (Fatosi)