Kriza e sotme energjetike po shkakton ndryshime të thella dhe afatgjata, që kanë potencialin të përshpejtojnë kalimin në një sistem energjie më të qëndrueshëm dhe të sigurt, thuhet në raportin “World Energy Outlook 2022” të publikuar nga Agjencia Ndërkombëtare e Energjisë (IEA).
Foto:VCG
Lëkundjet më të mëdha të krizës energjetike janë ndjerë në tregjet e gazit natyror, qymyrit dhe energjisë elektrike, me trazira të theksuara edhe në tregjet e naftës, citon “Xinhua”. Sipas raportit, tregjet e energjisë mbeten jashtëzakonisht të cenueshme.
Masat e reja të marra nga shumë qeveri në përgjigje të krizës do të ndihmonin në nxitjen e investimeve globale për energjinë e pastër në më shumë se 2 trilionë dollarë amerikanë në vit deri në vitin 2030, një rritje prej më shumë se 50 për qind nga sot. Kërkesa totale për lëndë djegëse fosile do të binte në mënyrë të qëndrueshme nga mesi i viteve 2020 deri në vitin 2050, me një mesatare vjetore afërsisht të barabartë me prodhimin gjatë gjithë jetës së një fushe të madhe nafte dhe pjesa e karburanteve fosile në përzierjen globale të energjisë do të binte nga rreth 80 për qind në pak mbi 60 për qind deri në vitin 2050.
Foto:VCG
Raporti vjetor i organizatës ndërqeveritare me bazë në Paris parashikoi se emetimet globale të CO2 do të bien ngadalë nga një pikë e lartë prej 37 miliardë tonë në vit në 32 miliardë tonë deri në vitin 2050. Por me këtë arritje ka ende një hendek të madh midis premtimeve të sotme dhe një stabilizimi të rritjes së temperaturave globale rreth 1.5 gradë celsius.
"Përgjigjet e qeverisë në mbarë botën premtojnë ta bëjnë këtë një pikë kthese historike dhe përfundimtare drejt një sistemi energjie më të pastër, më të përballueshëm dhe më të sigurt",- tha drejtori ekzekutiv i IEA-s Fatih Birol.
Politikat më të forta do të jenë thelbësore për të nxitur rritjen e madhe të investimeve në energji që nevojiten për të reduktuar rreziqet e rritjes së çmimeve në të ardhmen dhe paqëndrueshmërisë, sipas perspektivës.
Foto:VCG
Mbi 4 trilionë dollarë amerikanë në investime për energjinë e pastër do të nevojiteshin deri në vitin 2030 për të arritur objektivin e emetimeve neto zero deri në skenarin 2050. (Irma)
