Foto:RTSH

 Kryebashkiaku i Tiranë Erion Veliaj ka njoftuar se më 23 tetor do të zhvillohet Maratona e Tiranës 2022, njofton RTSH.   Veliaj u ka bërë thirrje qytetarëve që të fillojnë të regjistrohen për t’u bërë pjesë e ngjarjes më të madhe sportive që do të mbahet në Tiranë më 23 tetor. Maratona e 23 tetorit shënon edicionin e 6-të të Maratonës së Tiranës. "Vrapojmë për paqe! Regjistrohu-Përgatitu- Fito! www.tiranamarathon.com”, shkruan ndër të tjera Veliaj në rrjetin social Facebook. Çmimi i vendit të parë do të jetë 5000 euro,  çmimi i vendit të dytë do të jetë 3000 euro, dhe çmimi i vendit të tretë  do të jetë 2000 euro, për garuesit femra dhe meshkuj.(Fatosi)