Komisioni Rregullator Bankar i Kinës dhe Banka Qendrore çeke zhvilluan në Pragë Forumin e Bashkëpunimit Financiar "një brez një rrugë". Të dyja palët janë të mendimit se nisma "Një brez, një rrugë" do të forcojë më tej bashkëpunimin financiar mes dy vendeve.

Kreu i Komisonit Rregullator Bankar i Kinës Shang Fulin tha se zbatimi i nismës "Një brez, një rrugë" do të zgjerojë hapësirat e bashkëpunimit financiar dypalësh. Pala kineze, shtoi ai, mirëpret institucionet financiare çeke dhe të vendeve apo rajoneve të tjera përgjatë "Një brez, një rrugë" të hapin filialet e tyre në Kinë.

Shang shtoi se me përkrahjen e qeverisë çeke, filiali i Bankës së Kinës në Pragë u hap në gushtin e vitit 2015, dhe gjithashtu edhe biznesi i kredisë konsumatore i kompanisë "homecreditcfc" pranë Korporatës Çeke PPF ka përfshirë shumë zona të Kinës.

Guvernatori i Bankës Qendrore çeke Miroslav Singer tha se nisma "një brez, një rrugë" ofron potencial bashkëpunimi midis Kinës dhe Republikës Çeke, dhe dy institucionet do të nxitin zhvillimin e vazhdueshëm të bashkëpunimit financiar.

Kohët e fundit, dy institucionet nënshkruan "marrëveshjen e bashkëpunimit dhe të administrimit mbi krizën ndërshtetërore". (Vera/Albana)