Kinë, qeveria rrit shpenzimet për arsimin profesional Një studim tregon se arsimi profesional është ende një hallkë e dobët e sistemit arsimor në Kinë, me gjithë përparimin e bërë gjatë vitit të kaluar.

Duke raportuar në sesionin e përdymuajshëm të Asamblesë Kombëtare Popullore, ministri kinez i Arsimit Yuan Guiren shpjegoi shkaqet kryesore të kësaj dukurie:

"Të diplomuarit në kolegjet profesionale ende përballen me një gjendje të vështirë: ende ekziston një paragjykim i përgjithshëm për ata që përfundojnë shkollat profesionale dhe për punëtorët e teknikët e kualifikuar. Përveç kësaj, shumica e prindërve nuk duan që fëmijët e tyre të shkojnë në shkollat ​​profesionale. "

Yuan bëri të ditur po ashtu se shpenzimet për nxënësit dhe studentët do të rriten mesatarisht në të paktën 12 000 juanë në vitin 2017.

Pas studimit për shkollat ​​profesionale të Kinës vitin e kaluar, qeveria kineze hartoi politika lidhur me 64 çështje, duke përfshirë përmirësimin e objekteve të shkollave profesionale dhe shtimin e ndihmës financiare.

Ministria e Arsimit po rishikon ligjin e arsimit profesional, për të ndryshuar gjendjen me të cilën përballet sot arsimi profesional në Kinë. (Artan Goga)