Dëgjoni

Korrespondenti i Radios së Jashtme të Kinës njoftoi se më 27 shtator, u hap në Pekin Forumi i 3-të i sektorit kulturor të Kinës. Afro 100 specialistë e studiues diskutuan për bashkëpunimin midis kulturës kombëtare dhe komunitetit ndërkombëtar. Tema kryesore e këtij forumi është "Gjendja e tanishme dhe e ardhmja e sektorit kulturor kinez".

Forumi i sektorit kulturor të Kinës u krijua në vitin 2002 dhe zhvillohet një herë në dy vjet.

Do të zhvillohet në Pekin "Forumi i parë i kulturës tibetiane të Kinës"

Agjencia kineze e lajmeve Hsinhua njoftoi se më 10 e 11 tetor, do të zhvillohet në Pekin Forumi i parë i kulturës tibetiane të Kinës. Personalitetet kineze e të huaja të ardhura nga 12 vende do të diskutojnë së bashku për mbrojtjen e zhvillimin e kulturës tibetiane.

Forumi organizohet nga Shoqata e Mbrojtjes dhe e Zhvillimit të Kulturës Tibetiane të Kinës. Organizatori shpreson se forumi do të nxitë më shumë njerëz të njohin kulturën tibetiane.

U hap në Qufu Festivali ndërkombëtar kulturor i Konfucit

Korrespondentja e Radios së Jashtme të Kinës njoftoi se më 26 shtator, u hap në vendlindjen e Konfucit, Qufu të provincës Shandong Festivali ndërkombëtar kulturor i Konfucit i Kinës për vitin 2006.

Festivali do të zgjasë deri më 10 tetor. Gjatë festivalit do të zhvillohen ceremonia e dhënies së çmimit "Mësimet e Konfucit" të UNESKO-s dhe forumi i drejtorëve të shkollave të mesme.

Konfuci lindi në vitin 551 para erës sonë dhe ishte një ideolog dhe arsimtar i madh i lashtë kinez. Teoria e tij ka ushtruar ndikime të mëdha në filozofinë, politikën, kulturën, arsimin, jetën shoqërore, zakonet etj. të Kinës.

Të dy brigjet përkujtuan së bashku ditëlindjen e Konfucit

Korrespondentja e Radios së Jashtme të Kinës njoftoi se më 28 shtator të këtij viti është 2557-vjetori i ditëlindjes së Konfucit. Banorët e pjesës kontinentale të Kinës dhe Tajvanit zhvilluan së bashku një ceremoni përkujtimore.

Ky është një nga aktivitetet e rëndësishme të Festivalit ndërkombëtar kulturor të Konfucit dhe të "Javës së shkëmbimeve të kulturës konfuciste midis dy brigjeve". (Fani)