dëgjoni

l5 gushti është dita jubilare e 60-vjetorit të fitores së luftës së popullit kinez kundër pushtuesve japonezë. Për ditë me radhë, qarqet e ndryshme të Kinës e përkujtojnë këtë ditë të shënuar në forma të ndryshme si ekspozita, filma artistikë dhe televizivë, pjesë operistike dhe teatrare si dhe koncerte.

Më 7 korrik të vitit l937, trupat japoneze të dislokuara në Kinë shpërthyen në urën Lugouqiao në pjesën jug-perëndimore të Pekinit sulme kundër trupave kineze. Që nga ajo ditë Japonia nisi në mënyrë të gjithanshme një luftë agresive kundër Kinës dhe njëkohësisht filloi edhe lufta e gjithanshme e rezistencës së popullit kinez kundër pushtuesve japonezë. Më l5 gusht të vitit l945, Japonia shpalli kapitullimin pa kushte dhe populli kinez arriti fitoren përfundimtare në luftën e paepur 8 vjeçare kundër agresorëve japonezë.

Për të kujtuar këtë histori të paharrueshme të kombit kinez, më 7 korrik të këtij viti, Muzeu përkujtimor i luftës së popullit kinez kundër pushtuesve japonezë që ndodhet pranë urës Lugouqiao organizoi ekspozitën madhështore " Fitorja e madhe ? kushtuar 60-vjetorit të fitores së luftës së popullit kinez kundër pushtuesve japonezë dhe të fitores së luftës botërore antifashiste", ku u pasqyrua gjithë procesi historik i luftës së përgjakshme të kombit kinez kundër agresorëve të jashtëm dhe i arritjes së triumfit të kësaj lufte. Në këtë ekspozitë janë mbledhur më se 800 sende dhe 600 fotografi si dhe një sasi e madhe materialesh të koleksionuara në muzeun shtetëror të Kinës dhe në muze të krahinave të ndryshme. Drejtori i zyrës së Muzeut përkujtimor të luftës së popullit kinez kundër pushtuesve japonezë Li Zongyuan tha : " Kjo ekspozitë është ekspozita me përpjesëtimet më të mëdha gjatë aktiviteteve të Kinës në kuadrin e 60-vjetorit të fitores së luftës së popullit kinez kundër pushtuesve japonezë dhe të fitores së luftës botërore antifashiste. " Gjatë më se l muaji pas hapjes së saj, ekspozita ka pritur më se 400 mijë vizitorë kinezë dhe të huaj.

Në kuadrin e këtij 60 ?vjetori, u vunë në ekran edhe një numër filmash të rinj me temë nga lufta e popullit kinez kundër pushtuesve japonezë si filmi dokumentar " Për fitoren ", filmi vizatimor " Ushtaraku i vogël Zhang Ga" etj. Njëkohësisht edhe në televizionin qendror të Kinës e në televizionet e krahinave të ndryshme të mbarë vendit po shfaqen filma televizivë me të njëjtën temë.

Fragmenti që po dëgjoni është nga filmi televiziv me 25 seri " Armata e 8-të " që pasqyron në mënyrë të gjithanshme gjithë procesin e luftës këmbëngulëse dhe heroike të Armatës së 8-të nën udhëheqjen e Partisë Komuniste të Kinës. Gjatë periudhës së luftës së rezistencës kundër pushtuesve japonezë, Armata e 8-të e udhëhequr nga komandantët e lartë të PK të Kinës Zhu De dhe Pen Dehuai, zhvilloi një luftë të përgjakshme për jetë a vdekje kundër agresorëve japonezë duke pasur merita të mëdha në fitoren e kësaj lufte.

Në një intervistë me korrespondentin e radios sonë, funksionari i sektorit administrativ i filmave televizivë të Kinës Li Jingsheng tha:"Ky film televiziv mund të konsiderohet si një poemë historike e trimërisë dhe një simfoni madhështore e heroizmave. "

Televizioni Qendror i Kinës e përcaktoi edhe gushtin si muaj të shfaqjes së filmave me temë nga lufta antijaponeze.

Edhe në skenat operistike dhe teatrore, tema e luftës antijaponeze është bërë fokusi i pjesëve operistike dhe tatrore. Si opera e Pekinit " Rinia e Yang Jinyut " që pasqyroi figurën e heroit të kombit kinez Yan Jinyu në kohën e rinisë.

Ndërsa Teatri i Operës dhe i Baletit i Kinës vuri në skenë operën " Hedhja e 8 heroinave në lumë " që pasqyroi luftën e papërkulur të 8 heroinave në çastet e fundit të jetës, të cilat luftuan deri në fishekun e fundit dhe për t'u mos u kapur rob, u hodhën trimërisht në lumë duke sakrifikuar jetën e tyre.

Përveç këtyre, në krahinat e mbarë Kinës po organizohen aktivitete të pasura përkujtimore si Turneu i korit kombëtar kushtuar 60-vjetorit të luftës botërore antifashiste dhe të luftës antijaponeze të popullit kinez etj. Në kuadrin e këtij 60-vjetori, u vunë në qarkullim edhe një numër veprash letrare si "Tregimet e heroizmave të PK të Kinës në luftën antijaponeze" etj.( Zhai)