Ly Vei është një këngëtare e re dhe e talentuar në qarqet artistike kineze. Zëri i saj është i bukur e i ëmbël. Ajo është e aftë të këndojë këngë me karakteristika të ndryshme. Kështu që këngët e intepretuar prej saj janë mirëpritur shumë nga dëgjuesit kinez.

...muzika 1...

Kënga që po dëgjoni tani titullohet "Rrezet e hënës", ajo na përshkron një dashuri mallëngjyese nëpërmjet melodisë së saj të bukur.

Këngëtarja Ly Vei lindi në qytetin Hang Zhou të provincës Zhe Jiang të Kinës jugore, prindërit e saj janë aktorët e operës lokale. Me ndikimin e familjes, ajo ka treguar talente të veçanta për këngë dhe valle që kur ishte e vogël. Në vitin 1993, kur u diplomua nga institut pedagogjik i Hang Zhou-t, ajo mori pjesë në konkursin kombëtare të këngëve dhe të valleve popullore kineze, fitoi çmimin e argjendtë. Dhe në vitin 1994, në emër të provincës Zhe Jiang, ajo fitoi çmimin e argjendtë të konkursit televiziv të këngëtarëve të rinj kinezë. Kështu, ajo filloi me sukses karrierën e saj si një këngëtare.

Pas hyrjes së saj në qarqet artistike, çdo vit Ly Vei mund të nxjerrë një ose dy vepra të dalluara muzikore. Zëri i saj i ëmbël dhe intepretimi i saj mallëngjyes ka fituar përkrahjen e pëlqimin e spektorëve. Vitin e kaluar, ajo nxorri në qarkullim albumin e saj të ri "E kuqja kineze", në të cilin janë përfshirë këngët popullore të kënduar prej saj vitet e fundit. Stili i freskët dhe i hapur i këngëve të albumit të saj i ka shtuar vitalitetin e ri këngës popullore kineze.

...muzika 2...

Kënga që po dëgjoni është kënga me të njetin emër të albumit të saj "E kuqja kineze", në të cilën shprehet dëshira e popullit kinez për lulëzimin e atdheut. Gjatë intepretimit, Ly Vei ka treguar si duhet karakteristikat e muzikës popullore kineze, duke përzier edhe disa elementë të muzikës moderne.

Ly Vei ka ruajtur gjithmonë stilin e saj të freskët e të ëmbël, duke provuar ta kombinojë metodën e këndimit popullor me atë modern. Tani, le të dëgjojmë bashkë një këngë të tillë me titull: "Dëshira për dashurinë e përhershme".

...muzika 3...

Kjo këngë është krijuar në bazë të poezisë së Su Shi-ut, një shkrimtar i njohur kinez në dinastinë Son. Ly Vei ka përzier në intepretim stilin e muzikës së provincës Zhe Jiang me disa elemente të operës lokale. Kështu, kjo këngë me stilin e melodisë së lashtë të provincës Zhe Jiang u lë përshtypje të thellë njerëzve.

Ju flet Radio e Jashtme e Kinës, të dashur dëgjues, dëgjuat programin tonë muzikor me titull... Mirudëgjofshim herën tjetër.(Jiang Lei)