Përfaqësues të ligjvënësve hongkongas pro përsosjes së sistemit zgjedhor(Foto nga VCG)
Të hënën, pala kineze shprehu pakënaqësi dhe kundërshtim të fortë ndaj shpifjeve keqdashëse të disa vendeve për vendimin e Asamblesë Kombëtare Popullore (AKP) për të përmirësuar sistemin zgjedhor të Rajonit të Posaçëm Administrativ të Hong-Kongut dhe ndërhyrjen në punët e Hong-Kongut të cilat janë edhe punë të brendshme të Kinës.
Zëdhënësi i Ministrisë së Punëve të Jashtme të Kinës, Zhao Lijian, i tha këto në një konferencë shtypi kur u pyet për të komentuar mbi një deklaratë të përbashkët të lëshuar nga ministrat e jashtëm të G7-ës dhe Përfaqësuesit të Lartë të Bashkimit Evropian për Politikën e Jashtme dhe të Siguri.
Vendimi i AKP-së për të përmirësuar sistemin zgjedhor të rajonit të Hong-Kongut është plotësisht kushtetues, i ligjshëm dhe i justifikuar, dhe do të garantojë një siguri institucionale më solide për zbatimin e plotë të parimit 'patriotët administrojnë Hong-Kong', për të mbrojtur më mirë interesat e përgjithshme dhe themelore të shoqërisë në Hong-Kong, dhe do të nxisë zhvillimin e qëndrueshëm të sistemit demokratik të Hong-Kongut dhe praktikën e qëndrueshme të 'Një vend, dy sistemeve' ", tha ai, duke shtuar se kjo është një aspiratë e përbashkët e të gjithë popullit kinez, përfshirë bashkatdhetarët e Hong-Kongut.
"Kina nxit palët përkatëse të përballen me realitetin që Hong-Kongu u kthye në atdhe 24 vjet më parë, t'i përmbahen ligjit ndërkombëtar dhe normave themelore që rregullojnë marrëdhëniet ndërkombëtare dhe menjëherë të ndërpresin ndërhyrjet në punët e Hong-Kongut dhe punët e brendshme të Kinës", tha Zhao .(Albana)