“Një takim midis presidentit rus Vladimir Putin dhe homologut të tij ukrainas Volodymyr Zelensky është i mundur vetëm pasi të jetë gati një traktat paqeje”, -tha zëdhënësi i Kremlinit, Dmitry Peskov, raporton “Xinhua”.
“Asgjë nuk ka ndryshuar për ne. Ne nuk e hedhim poshtë mundësinë e një takimi të tillë për presidentin Putin”, -tha Peskov në një konferencë shtypi.
Ai theksoi se një takim i tillë është i mundur vetëm pasi të jetë rënë dakord për tekstin e dokumentit.
Rusia dhe Ukraina kanë zhvilluar disa raunde negociatash që synojnë finalizimin e një traktati për t'i dhënë fund krizës së vazhdueshme në Ukrainë.
