houthi jemen, aljazeera
Milicia Houthi e Jemenit njoftoi se ata janë gati të shkëmbejnë 823 të burgosur të forcave të koalicionit të udhëhequr nga Arabia Saudite me 1400 militantë Houthi, njofton “Xinhua”.
Marrëveshja për shkëmbimin e të burgosurve u arrit më 21 mars nën kujdesin e Kombeve të Bashkuara (OKB), tha Abdulkadir al-Murtada, kreu i komitetit të të burgosurve Houthi, cituar nga televizioni “al-Masirah” i drejtuar nga Houthi.
823 të burgosurit përbëhen nga 804 ushtarë dhe të burgosur politikë jemenas, 16 ushtarë sauditë dhe tre ushtarë sudanezë. Lirimi i Nasser Mansour Hadi, vëllai i presidentit jemenas Abd-Rabbu Mansour Hadi, dhe Mahmoud al-Subaihi, ish-ministri i Mbrojtjes i qeverisë së Hadit, ishte pjesë e marrëveshjes, sipas Abdulkadir al-Murtada.
Houthi-t kanë informuar OKB-në për gatishmërinë e tyre për të shkëmbyer të burgosurit dhe janë në pritje të publikimit të listës së emrave nga pala tjetër, e cila është planifikuar më 29 mars, siç është rënë dakord nga të dyja palët.
OKB-ja, koalicioni i udhëhequr nga Arabia Saudite dhe qeveria e Jemenit nuk e kanë konfirmuar ende marrëveshjen e shkëmbimit të të burgosurve.
Rreth 15.000 persona thuhet se janë mbajtur në burgjet e qeverisë jemenase dhe Houthi.
