Foto: VCG
Vala Omikron e pandemisë në SHBA goditi më fort fëmijët e moshës 0-4 vjeç, në krahasim me valët e mëparshme pandemike. Sipas një studimi të fundit nga Qendrat e SHBA-së për Kontrollin dhe Parandalimin e Sëmundjeve, nga 19 dhjetori 2021 deri më 19 shkurt 2022, kur mbizotëronte varianti Omikron, normat javore të shtrimit në spital të lidhura me Covid 19 për 100.000 fëmijë të moshës 0-4 vjeç, një grup që ende nuk kualifikohej për vaksinim, arriti kulmin në 14.5, që ishte afërsisht pesë herë më e lartë se gjatë periudhës së mbizotërimit të variantit Delta nga qershori deri në dhjetor të 2021-shit, citon “Xinhua”.
Studimi i bazuar në të dhënat nga 14 shtete zbuloi gjithashtu se fëmijët me ngjyrë janë më të prekur nga sëmundja që kërkon shtrim në spital, raportoi “The New York Times”. Gazeta citoi ekspertët të thoshin se fëmijët me ngjyrë janë infektuar me ritme më të larta, sepse ata kanë më shumë gjasa të jetojnë në varfëri dhe në familje me shumë breza.
