Vaksinat anti-Covid/ Spanja “ok” për dozën e katërt për më të rrezikuarit, në Hungari për të gjithë

[Foto:VCG]

Autoritetet shëndetësore spanjolle kanë dhënë dritën jeshile për administrimin e një doze të katërt të vaksinës anti-Covid për personat me imunitet të rrezikuar, si pacientët që i nënshtrohen kimioterapisë ose radioterapisë, ata që kanë kryer transplante apo që janë nën terapoi me ilaçe imunosupresive. Njoftimi u dha nga Ministria e Shëndetësisë. Doza e katërt mund të administrohet të paktën pesë muaj pas dozës së mëparshme, raporton “The Guardian”.

Ndërsa Hungaria bëhet vendi i parë i BE-së që nis fushatën për dozën e katërt të vaksinës për të gjithë, bëhet e ditur nga shefi i kabinetit të kryeministrit Viktor Orban, Gergely Gulyás.

Greqia dhe Danimarka kanë dhënë vetëm dritën jeshile për të pambrojturit. Jashtë Evropës, vetëm Izraeli dhe Kili kanë filluar tashmë administrimin e dozës së katërt. (Irma)