Sondazhi - kapitoli
Rreth një në tre amerikanë besojnë se dhuna kundër qeverisë ndonjëherë mund të justifikohet, sipas rezultateve të sondazhit të raportuara nga “Washington Post”.
Gazeta dhe Universiteti i Maryland-it kryen së bashku sondazhin vetëm disa ditë përpara përvjetorit të sulmit të 6 janarit në Kapitol.
Sipas raportit, gjetjet, më të lartat në më shumë se dy dekada, ofrojnë një dritare në psikikën e vendit në një periudhë të trazuar në historinë amerikane, citon “Xinhua”.
Rezultatet e sondazhit treguan se shumica e njerëzve vazhdojnë të besojnë se dhuna kundër qeverisë nuk justifikohet kurrë, por përqindja prej 62 për qind është në një nivel të ri më të ulët në krahasim me vitet 1990, kur rreth 90 për qind thanë se dhuna nuk ishte kurrë e justifikuar.
Sondazhi tregoi se 40 për qind e republikanëve dhe 41 për qind e të pavarurve thanë se "dhuna kundër qeverisë" mund të jetë e pranueshme, ndërsa vetëm 23 për qind e demokratëve e kishin këtë pikëpamje.
Një sondazh në vitin 2015 nuk gjeti ndarje të rëndësishme partiake mbi këtë temë, thuhet në raport. Arsyet që justifikonin dhunën ishin të ndryshme, duke përfshirë ato që konsiderohen të tejkalojnë kufizimet e koronavirusit, heqjen e të drejtës së votuesve të pakicave dhe shtypjen. "Përgjigjet ndaj një pyetjeje të hapur mbi anketën rreth justifikimeve hipotetike përfshinin përmendje të përsëritura të autokracisë, tiranisë, korrupsionit dhe humbjes së lirive", -thuhet në raport. (Elona)
