Google investim 1 miliard dollarësh në Afrikë për qasje në internet

[Foto: VCG]

Google ka njoftuar se, në pesë vitet e ardhshme do të investojë 1 miliard dollarë në Afrikë për të siguruar qasje të shpejtë dhe të lirë në internet dhe për të mbështetur transformimin digjital.

Shefi Ekzekutiv i kompanisë, Sundar Pichai deklaroi në takimin online “Google për Afrikën” se kompania do të ketë përparësi mbështetjen e bizneseve të reja në kontinent dhe do të ndihmojë në zgjerimin e rrjetit të saj të internetit.

Pichai tha se falë një investimi të tillë, brenda pesë viteve, 300 milionë njerëz më shumë do të jenë online në kontinentin afrikan.

Drejtori i Google për Afrikën deklaroi nderkohë se linja e re e kabllove të internetit e instaluar midis Evropës dhe Afrikës do të çojë në një rënie prej 21 për qind të çmimeve dhe një rritje të shpejtësisë së internetit.