Foto: VCG
Në rajonin Tigray të Etiopisë ka mbërritur ngarkesa e dytë e ndihmës humanitare që Bashkimi Evropian ka dërguar për civilët e prekur nga konfliktet, bëjnë të ditur mediet lokale, transmeton “Anadolu Agency”.
Në ngarkesën e BE-së ka rreth 10 tonë ndihma humanitare, të cilat kanë mbërritur në Mekele qendrën e Tigray.
Në kuadrin e ndihmës, krahas ushqimeve synohet që të plotësohen edhe nevojat themelore shëndetësore për 280 mijë njerëz për një periudhë 3-mujore.
BE-ja ka njoftuar se do të sigurojë një fond prej 53.7 milionë euro ndaj Etiopisë për t’u përdorur në nevojat e personave që janë detyruar të emigrojnë për arsye të tilla si konfliktet dhe ndryshimet klimaterike.
Ngarkesën e parë të ndihmës humanitare prej 4.4 tonë BE-ja e dërgoi në rajon më 11 prill. (Irma)
